• გაერო მხარს უჭერს საქართველოში თამბაქოს კონტროლის კანონის სრულად ამოქმედებას

    გაერო მხარს უჭერს საქართველოში თამბაქოს კონტროლის კანონის სრულად ამოქმედებას

    გაერო საქართველოში მიესალმება საქართველოში თამბაქოს კონტროლის კანონმდებლობის ამოქმედებას. 2018 წლის 1 მაისიდან ძალაში შედის შემდეგი რეგულაციები:

    თამბაქოს კვამლისაგან გათავისუფლების პოლიტიკა, რომლითაც იკრძალება მოწევა დახურულ საზოგადოებრივ და სამუშაო ადგილებში, აგრეთვე ზოგიერთი ღია ტერიტორიაზე და საზოგადოებრივ ტრანსპორტში;

    თამბაქოს რეკლამის, პოპულარიზაციის და სპონსორობის აკრძალვა.

    გაეროს სააგენტოთა ჯგუფი მიესალმება საქართველოს პარლამენტის მიერ ერთი წლის წინ მიღებული ამ მნიშვნელოვანი რეგულაციის დანერგვას. პროცესში ჩართული ყველა მხარე დაინტერესებულია მოხდეს კანონის დანერგვა, რათა ქვეყნის დღევანდელი და მომავალი თაობები დაცულ იყვნენ თამბაქოს მოხმარების კატასტროფული შედეგებისაგან.

     

    ვრცლად

  • კონფერენცია „ქალის როლი საზოგადოებრივ და პოლიტიკურ ცხოვრებაში“

    40 სტუდენტმა კახეთის რეგიონიდან მიიღო მონაწილეობა კონფერენციაში „ქალის როლი საზოგადოებრივ და პოლიტიკურ ცხოვრებაში“, რომელიც  ქალთა საერთაშორისო დღის ფარგლებში გაიმართა 31 მარტს, ყვარლის იუსტიციის სასწავლო ცენტრში .

    კონფერენცია უკვე მეორედ გაიმართა საქართველოს ევროპის იურისტ სტუდენტთა ასოციაცია საქართველოს (ELSA Georgia) ინიციატივით, საქართველოში გაეროს წარმომადგენლობის მხარდაჭერით და საქართველოს იუსტიციის სასწავლო ცენტრთან  თანამშრომლობით.

     

     

    31 მარ 2018 ვრცლად
  • გაეროს ექსპერტი აცხადებს, რომ საქართველოში ხანდაზმულ პირთა საზოგადოებრივ ცხოვრებაში ჩართვას პრიორიტეტული მნიშვნელობა უნდა მიენიჭოს

    თბილისი (2018 წლის 22 მარტი) – გაეროს მიერ დანიშნულმა დამოუკიდებელმა ექსპერტმა საქართველოს მთავრობას მოუწოდა, „პრიორიტეტად დასახოს ხანდაზმულ პირთა საზოგადოებრივ ცხოვრებაში ჩართვა და მათი თანასწორობის უზრუნველყოფა“.

    საქართველოში ყველაზე მეტია ხანდაზმული მოსახლეობა სამხრეთი კავკასიის რეგიონში. მოსახლეობის უკანასკნელი აღწერის მონაცემებით, ყოველი მეხუთე ადამიანი 60 წლის და მეტი ასაკისაა. 2050 წლისთვის საქართველოში 60 წელს გადაცილებული ადამიანების პროცენტული ოდენობა კიდევ გაიზრდება და 30 პროცენტს გადააჭარბებს.

     

    22 მარ 2018 ვრცლად
  • გაეროს ექსპერტი შეაფასებს ხანდაზმულ პირთა უფლებებს საქართველოში

    ჟენევა (8 მარტი 2018)- გაეროს  ექსპერტი ადამიანის უფლებათა საკითხებში ოფიციალური ვიზიტით ეწვევა საქართველოს 12 მარტიდან 22 მარტის ჩათვლით, ქვეყანაში ხანდაზმულ პირთა უფლებების შეფასების მიზნით. ეს გახლავთ ამ მანდატის მფლობელის პირველი ვიზიტი საქართველოში.

    „ვიზიტი საქართველოს მთავრობასთან მნიშვნელოვანი დიალოგის შესაძლებლობას იძლევა“, განაცხადა ქ-მა როზა კორნფელდ-მატემ.

    „განსაკუთრებულად მნიშვნელოვანია ხანდაზმულ პირთა უფლებების კუთხით არსებული ეროვნული და საერთაშორისო სტანდარტების შესრულების შეფასება,  ჯეროვანი პრაქტიკის იდენტიფიცირება და პოტენციური პრობლემების აღმოსაფხვრელად შესაბამისი რეკომენდაციების გაცემა“.  

     

    08 მარ 2018 ვრცლად
  • საქართველო გლობალურ ინიციატივას „დავრეკოთ ზარი გენდერული თანასწორობისთვის“ შეუერთდა

    საქართველოს საფონდო ბირჟამ, საერთაშორისო საფინანსო კორპორაციამ, გაეროს ქალთა ორგანიზაციამ, გლობალური შეთანხმების საქართველოს ქსელმა და არასამთავრობო ორგანიზაცია სამოქალაქო განვითარების სააგენტომ ქალთა საერთაშორისო დღე თბილისში ღონისძიებით „დავრეკოთ ზარი გენდერული თანასწორობისთვის“ აღნიშნეს.

     

    07 მარ 2018 ვრცლად

  • ქეთევან ხიდაშელის სიტყვებით: „ბევრი აქტივისტი ქალია საჭირო“

    ქეთევან ხიდაშელის სიტყვებით: „ბევრი აქტივისტი ქალია საჭირო“

    ქეთევან ხიდაშელი არასამთავრობო ორგანიზაცია „ქალები რეგიონის განვითარებისთვის“ გამგეობის თავმჯდომარეა. უკვე 10 წელია იგი ქალთა უფლებების დაცვის აქტივისტია. ქეთევანი დასავლეთ საქართველოში, გურიის რეგიონში, ოზურგეთის რაიონის სოფელ დვაბზუში ცხოვრობს და ქალთა გაძლიერებაზე, ოჯახში ძალადობასა და საზოგადოების ცნობიერების ამაღლებაზე მუშაობს. 2012 წელს ის გაეროს ქალთა ორგანიზაციის პროექტში „ქალები, თანასწორობის, მშვიდობისა და განვითარებისთვის“ მოხალისეობრივად იყო ჩართული. კატო მიქელაძის სახელობის ყოველწლიური პრემია, რომელიც საქართველოში ქალთა უფლებების დამცველს გადაეცემა, 2017 წელს სწორედ ქეთევან ხიდაშელმა მიიღო.

    „აქტივიზმში 2008 წელს ჩავერთე, როცა საცხოვრებლად ოჯახით დედაქალაქიდან სოფელში გადავედი. იმ პერიოდში ინტერნეტით ფონდ „ტასოს“ ქალთა ეკონომიკური გაძლიერების პროგრამის შესახებ გავიგე, აპლიკაცია გავგზავნე და მცირე გრანტი მოვიგე. პარალელურად, გენდერის სკოლა გავიარე და ლიდერობაში, ოჯახში ძალადობასა და გენდერულ ბიუჯეტირებაში ტრენინგებს დავესწარი.

    როცა „ტასოს“ მხარდაჭერით აქტივიზმის შესახებ პირველი პროექტის განხორციელება დავიწყე, ამ თემის არსი კარგად არც მქონდა გააზრებული, კომპიუტერის გამოყენებაც არ ვიცოდი და მის სწავლაში ღამეებს ვათენებდი. საინიციატივო ჯგუფი - დვაბზუს ქალთა ცენტრი აქტიური მშობლებისგან ჩამოვაყალიბე და მათთან ერთად ბავშვებისთვის ახალგაზრდული კლუბი შევქმენი, მერე კი სასკოლო გაზეთიც გამოვეცი. მალე იგი თემის გაზეთად ვაქციეთ. „სოფლის ხმას“, რომელშიც ადგილობრივებისთვის საინტერესო თემატიკაზე ვწერდით, უფასოდ ვავრცელებდით. სხვათა შორის, მოგვიანებით, გაეროს ქალთა ორგანიზაციის პროექტის „ქალები თანასწორობის, მშვიდობისა და განვითარებისთვის“ ფარგლებში, გაზეთის გამოცდილება სხვა რეგიონების სათემო ფონდებს გავუზიარეთ. ამ ინიციატივაში მოხალისეობრივად ვიყავი ჩართული: აქტივისტ ქალებს ვხვდებოდი და მათ გაზეთის აწყობას, კონცეფციის შექმნასა თუ მკითხველთა მოზიდვას ვასწავლიდი. შემდეგ კი პირველი ნომრის გამოშვებაშიც ვეხმარებოდი.

     

    ვრცლად