,,გაეროს გეგმა განვითარების ხელშეწყობისთვის" (UNDAF) საკონსულტაციო პროცესის შედეგია, სადაც აღწერილია გაეროს საქართველოს მთავრობასთან თანამშრომლობის სფეროები 2011-2015 წწ. UNDAF-ი შეესაბამება საქართველოს მთავრობის ეროვნული განვითარების პრიორიტეტებს, როგორიცაა: ,,ერთიანი საქართველო სიღარიბის გარეშე", ,,ათასწლეულის განვითარების ეროვნული მიზნები" და სხვა მნიშვნელოვან დოკუმენტებს. ამ პრიორიტეტების გათვალისწინებით, UNDAF-ი ქმნის საფუძველს გაეროს ორგანიზაციების ინდივიდუალური თუ ერთობლივი საქმიანობისთვის. ეს დოკუმენტი განსაზღვრავს სამ ურთიერთდაკავშირებულ თემატურ მიმართულებას, სადაც გაეროს სისტემას შეუძლია, ქმედითად გამოეხმაუროს საქართველოს პრიორიტეტებსა და საჭიროებებს:

− სიღარიბის შემცირება მიზნად ისახავს მზარდ, საყოველთაო განვითარებას, სამუშაო ადგილების შექმნას და ხელმისაწვდომობას ჯანდაცვაზე, განათლებასა და აუცილებელ სოციალურ მომსახურებებზე, განსაკუთრებით დაუცველთათვის.
− დემოკრატიული განვითარება მიზნად ისახავს თანაბარზომიერი, დამოუკიდებელი, სამართლიანი და თანამონაწილეობრივი მმართველობის სისტემებისა და პროცესების ხელშეწყობას ყველა დონეზე, რაც ეფუძნება კანონის უზენაესობის, ადამიანის უფლებებისა და თანასწორობის პრინციპებს.
− კატასტროფის რისკის შემცირება მიზნად ისახავს, განამტკიცოს საქართველოს უნარი, გაუმკლავდეს კატასტროფებს საგანგებო ვითარებაში ზიანისა და ზარალის პრევენციისა და მინიმუმამდე დაყვანის მიზნით.

გარდა ამისა, გაეროს საგანგებო ინიციატივების მიზანია რწმენის აღდგენა და კონფლიქტის პრევენცია, შეიარაღებული კონფლიქტისშემდგომი და დემოკრატიისკენ სვლისთვის დამახასიათებელი დაძაბულობის შემცირება.

რესურსების სრული მობილიზაცია გულისხმობს 188.5 მილიონი აშშ დოლარის გამოყოფას UNDAF-ის განხორციელების ხუთწლიანი პერიოდისთვის. რესურსებთან დაკავშირებული ვალდებულებები აისახება თანამშრომლობის პროგრამებსა და სააგენტოებისა და პროექტების ბიუჯეტებში UNDAF-ის განხორციელების პროცესში.

გაეროს გეგმა განვითარების ხელშეწყობისთვის (UNDAF) 2011-2015 წწ. სრული ტექსტი

გაეროს გეგმა განვითარების ხელშეწყობისთვის (UNDAF) 2006-2010 წწ. სრული ტექსტი