|
პრიორიტეტული მიმართულებები:
დემოკრატიული მმართველობა
გაეროს განვითარების პროგრამა ხელს უწყობს საკანონმდებლო, აღმასრულებელი და სასამართლო რეფორმების გატარებას. იგი, აგრეთვე, საქართველოს მთავრობას ეხმარება მმართველობის სისტემის დეცენტრალიზაციასა და მისი საკვანძო ინსტიტუტების საქმიანობის გაუმჯობესებაში.
ეკონომიკური განვითარება
გაეროს განვითარების პროგრამა საქართველოს მთავრობას ეხმარება სიღარიბის დაძლევის ეფექტური მექანიზმების შემუშავებაში. გაეროს განვითარების პროგრამა, აგრეთვე, მხარს უჭერს ადგილობრივი მოსახლეობის ინიციატივებსაც, თუ მათი მიზანია ბიზნესის განვითარება, ახალი სამუშაო ადგილების შექმნა და მეზობელ ქვეყნებთან - სომხეთთან და აზერბაიჯანთან ვაჭრობის ხელშეწყობა. გაეროს განვითარების პროგრამა განსაკუთრებულ ყურადღებას უთმობს კერძო სექტორთან თანამშრომლობას და ეროვნული განვითარების პროცესში ბიზნესის მონაწილეობის ახალ გზებს ეძებს.
გარემოს დაცვა და ენერგეტიკა
გაეროს განვითარების პროგრამა საქართველოს მთავრობას ეროვნული და საერთაშორისო სტანდარტებისა და ვალდებულებების დაცვაში ეხმარება. გარდა ამისა, იგი მხარს უჭერს ადგილობრივი განახლებადი ენერგორესურსების გამოყენებასა და წყლის რესურსების საკითხებში რეგიონალურ თანამშრომლობას.
კრიზისების პრევენცია და კრიზისის შემდგომი რეაბილიტაცია
ქართულ-ოსური კონფლიქტის ზონაში და აფხაზეთში (საქართველო) გაეროს განვითარების პროგრამა ადგილობრივი მოსახლეობის სოციალური და ეკონომიკური პრობლემების გადაწყვეტაზე ზრუნავს. იგი, აგრეთვე, ხელს უწყობს სახელმწიფო პოლიტიკის გაუმჯობესებას იძულებით გადაადგილებულ პირთა მიმართ. გარდა ამისა, ჩვენ ვეხმარებით მთავრობას კატასტროფებზე რეაგირების ეროვნული მექანიზმების გაძლიერებაში.
ორგანიზაციის ხელმძღვანელი:
ჯეიმი მაკგოლდრიკი
გაეროს მუდმივი კოორდინატორი
გაეროს განვითარების პროგრამის მუდმივი წარმომადგენელი საქართველოში
<< prev | next >> |