ადგილობრივ მედიასთან, არასამთავრობო ორგანიზაციებთან, საგანმანათლებლო დაწესებულებებთან და სხვა ადგილობრივ პარტნიორებთან მჭიდრო თანამშრომლობის პირობებში გაეროს საინფორმაციო ცენტრი საქართველოში ინფორმაციას აწვდის საზოგადოების ფართო წრეებს გაეროსა და მისი სააგენტოები პრინციპების, მანდატისა და საქმიანობის შესახებ.

 

გაეროს საინფორმაციო ცენტრი ინფორმაციას ავრცელებს გაეროს ძირითად ორგანოთა _ გენერალური ასამბლეის, უშიშროების საბჭოს და სხვ. _ მუშაობის შესახებ, აგრეთვე, ისეთ პრიორიტეტულ გლობალურ საკითხებზე, როგორებიცაა ადამიანის უფლებები და ჰუმანიტარული საკითხები, ეკონომიკური, სოციალური და კულტურული განვითარება, განათლება, მოსახლეობა, სამშვიდობო მისიები და უსაფრთხოება, გარემოს დაცვა, აივ/შიდსთან ბრძოლა, ათასწლეულის განვითარების მიზნები, და განვითარების სხვა საკითხები. გაეროს საინფორმაციო ცენტრი გეგმავს და აწყობს სხვადასხვა ღონისძიებებს და საინფორმაციო კამპანიებს.

 

გაეროს საინფორმაციო ცენტრის ფონდში დაცულია გაეროს მიერ გამოცემული მრავალი პუბლიკაცია, ოფიციალური დოკუმენტები, საინფორმაციო და აუდიო-ვიზუალური მასალა გაეროსა და მისი სააგენტოების მუშაობის შესახებ ისეთ სფეროებში, როგორიცაა სამშვიდობო მისიები, ადამიანის უფლებები, გენდერული თანასწორობა, მდგრადი განვითარება, ახალი ტექნოლოგიები და სხვა აქტუალური საკითხები.

 

გაეროს საინფორმაციო ცენტრი ასევე ხელძღვანელობს გაეროს კომუნიკაციის საკოორდინაციო ჯგუფის მუშაობას, რომელშიც გაერთიანებულია გაეროს ყველა სააგენტოს წარმომადგენლები. ჯგუფის მიზანია, ხელი შეუწყოს ინფორმაციის დარგში სააგენტოთა მუშაობის კოორდინაციასა და გაძლიერებას, საქართველოში გაეროს საქმიანობის უკეთ წარმოჩენას.

 

 საკონტაქტო პირი:
ქეთი გიოშვილი
რ. ერისთავის ქ. 9, 017 თბილისი, საქართველო
ტელ:  +995 32 225 1126      
ფაქსი: +995 32 225 0271/72
ელ.ფოსტა: uno.tbilisi@unic.org; ketevan.ghioshvili@unic.org